ინტეგრირებული გაკვეთილის გეგმა

„ვეცნობით კლოდ მონეს ხელოვნებას”

პედაგოგები		ქეთევან ჩადუნელი, ნონა ოდიშვილი
რაიონი / ქალაქი		ქ. რუსთავი
სკოლა		23- საჯარო
დონე / კლასი		დაწყებითი და საბაზო  საფეხური,       მე-6 / მე-10 კლასები
ინტეგრირებული საგანები		სახვითი და გამოყენებითი ხელოვნება,რუსული ენა
პროექტის სახელწოდება		„ვეცნობით კლოდ მონეს ხელოვნებას“
პროექტის დასაწყისი		2015 წლის 25 იანვარი
პროექტის დასასრული		2015 წლის 10 თებერვალი
პროექტის მიზანი		თეორიული ცოდნა:  მოსწავლეები შეძლებენ  მონეს ხელოვნების შესწავლა-გაანალიზებას. მასთან კავშირში იმპრესიონისტული ხელოვნების თავისებურებებისა და არსის აღქმას. ინფორმაციის მოძიებასა და თარგმნას არაქართულენოვანი მასალის დახმარებით. პრაქტიკული უნარ-ჩვევები:  მოსწავლეები შეძლებენ ∙         ინფორმაციის მოძიებას,  დამუშავებას, თარგმნასა და თემატურად დალაგებას. ∙         ურთიერთთანამშრომლობას. ∙         მუშაობის პროცესში ისტ-საშუალებების გამოყენებას. პრეზენტაციის მომზადებას და გამართვას.
პროექტის მიზნების მისაღწევად განსახორციელებელი ღონისძიებების ჩამონათვალი (კალენდარული გეგმა)		1. პროექტის შინაარსის და ვადების გაცნობა	2015 წლის 25 იანვარი
		2. კონკრეტული დავალებების მიცემა და ფუნქციების გადანაწილება. ( მეათე კლასის მოსწავლეები იწყებენ მუშაობას კონკრეტული მასალის თარგმნაზე / Уроки тётушки Совы -клод моне ./ მეექვსე კლასის მოსწავლეები მოიძიებენ კლოდ მონეს ბიოგრაფიისა და შემოქმედების ამსახველ მასალას)	25 ნოემბერი
		3. ჯგუფების ეტაპობრივი შემოწმება, დამატებითი მითითებების და რჩევების მიცემა	5-6-10-15-20 დეკემბერი
		4. პრეზენტაციის გამართვა.	25დეკემბერი
ეროვნულ სასწავლო გეგმასთან კავშირი	ს.გ.VIII.5.  მოსწავლეს  შეუძლია  დაგეგმოს  და  შეასრულოს  სხვადასხვა სახის სამუშაო. შედეგი თვალსაჩინოა, თუ მოსწავლე: კონკრეტული ამოცანის გადასაჭრელად გეგმავს შესასრულებელი სამუშაოს თანმიმდევრობას; განსაზღვრავს იმ მოქმედებებს, რომლებიც აუცილებელია დასახული მიზნის მისაღწევად; ს.გ.VIII.6. მოსწავლეს შეუძლია მიმართოს ინდივიდუალური და ჯგუფური მუშაობის სხვადასხვა სტრატეგიას. შედეგი თვალსაჩინოა, თუ მოსწავლე: მოიძიებს და აზუსტებს ინფორმაციას მომავალი პროექტის დასაგეგმად; ანაწილებს გუნდში სამუშაოს/ფუნქციებს/მოვალეობებს; ითვალისწინებს და იყენებს გუნდელის/ების შესაძლებლობებს (პოტენციალს); ეხმარება კლასელებს შემოქმედებითი და საორგანიზაციო  სიძნელეების გადალახვაში; ეხმარება სხვებს კონკრეტული ამოცანის შესრულებაში და საჭიროების შემთხვევაში მათგან ითხოვს დახმარებას. ს.გ. VIII.7.    მოსწავლეს შეუძლია გამოიყენოს სახვითი ხელოვნების ელემენტებისა და პრინციპების ცოდნა ხელოვნების კონკრეტული ნიმუშის ანალიზის დროს. შედეგი თვალსაჩინოა, თუ მოსწავლე: მსჯელობს ნახატში გამოსახული ობიექტების კომპოზიციურ განაწილებაზე; აფასებს ნამუშევარს მასში გამოყენებული მხატვრული ხერხების მიხედვით; მსჯელობს ხელოვნების ნიმუშის ჟანრზე, თემაზე, მასალაზე, ტექნიკაზე; მსჯელობს ხელოვნების ნიმუშის კოლორიტზე; ამოიცნობს ხელოვნების ნიმუშის ეპოქალურ ნიშნებს; ადარებს ერთმანეთს სხვადასხვა ხელოვნების ნიმუშს, საუბრობს რომელი უფრო მოსწონს და ასაბუთებს, რატომ აძლევს მას უპირატესობას. შედეგის.გ.VIII.11.  მოსწავლეს შეუძლია სხვადასხვა კონტექსტში განიხილოს ხელოვნების  ნიმუში.
მოსალოდნელი შედეგები	მოსწავლეები განხორციელებული პროექტის შემდეგ შეძლებენ იმპრესიონისტებისა და კონკრეტულად მონეს ხელოვნების უკეთ გაცნობას.გაიაზრებენ თარგმანის ტექნიკურ მხარეს . გაიღრმავებენ ლექსიკას. გააცნობიერებენ  მეცნიერების სხვადასხვა დარგებს შორის კავშირებს. გაიაზრებენ სამეცნიერო მიწევების პრაქტიკაში გამოყენების მნიშვნელოვნებას. იმსჯელებენ მათ თავისებურებებზე. მოამზადებენ სლაიდ შოუს და გამართავენ პრეზენტაციას
საჭირო რესურსები	∙ სახელმძღვანელო ∙ ფოტო და ვიდეო მასალა ∙ კომპიუტერი ∙ პროექტორი ∙ თაბახის ფურცლები ∙ მარკერები
საგნობრივ ჯგუფთან კავშირი	ისტ-ი, ხელოვნება, რუსული ენა
პრეზენტაცია	პრეზენტაციაზე თითოეულმა ჯგუფმა წარმოადგინა საპრეზენტაციოდ მომზადებული მასალა, რომელსაც ერთვოდა ჯგუფის წევრების მიერ მომზადებული ზეპირი საინფორმაციო და ახსნა-განმარტებითი მასალა. პრეზენტაციის ბოლო ეტაპზე მოსწავლეები პასუხობდნენ თანაკლასელების მიერ დასმულ შეკითხვებს.
შეფასება	მოსწავლეები წინასწარ გაეცნენ შეფასების სქემას :

    პრეზენტაციის შეფასების სქემა

შედეგები	3-5	6-7	8-10
შესავალი	ვერ იპყრობს აუდიტორიის ყურადღებას	მოწოდებულია საინტერესოდ და შეესაბამება შინაარსს	ეფექტურია, არატრაფარეტულია, იპყრობს აუდიტორიის ყურადღებას
თემის გასაგებად წარმოდგენა	მხოლოდ ნაწილობრივაა გასაგები, მოითხოვს დამატებით განმარტებებს	გასგებია, მაგრამ ითხოვს დამატებით განმარტებებს	წარმოდგენილი საკითხები ნათელი და გასაგებია, დამაჯერებელია
ლოგიკურობა	ზოგჯერ არათანმიმდევრულია,აკლია ლოგიკურობა	ძირითადად ლოგიკური და თანმიმდევრულია	ლოგიკური, თანმიმდევრული და კარგად ჩამოყალიბებულია
დასკვნები	დასკვნები ულოგიკო და გაუმართავია	ლოგიკურია, მაგრამ ყველა საკითხის რეზიუმირება არ ხდება	ლოგიკური და ორიგინალურია
აუდიტორიასთან კონტაქტი	პერიოდულად ცდილობს აუდიტორიის ყურადღების მიპყრობას, მაგრამ არ იცის, რა ხერხებით	გრძნობს აუდიტორიას და ძირითადად კონტაქტს ამყარებს	ფლობს აუდიტორიას, ადეკვატურად რეაგირებს მის რეაქციებზე, ეფექტურად იყენებს ვერბალურ და არავერბალურ ხერხებს
პასუხები აუდიტორიის შეკითხვებზე	პასუხები არ არის სრულყოფილი	თითქმის ყველა კითხვას პასუხობს	სრულყოფილ პასუხს სცემს ყველა შეკითხვას